Sual - Otellərə verilən ulduzların sayı nəyi göstərir?

Otellərə verilən ulduzların sayı nəyi göstərir?

Bu siyahıda siz 5 ulduz səviyyəsinə qədər olan mehmanxanalarda göstərilən xidmətlə tanış ola bilərsiniz. Təbii ki, otellərin fərqli siyasətləri ola bilər və siyahıda göstərilənlərdən fərqlənə bilər, lakin bizim ölkəmizə uyğunlaşdırılmış bu məlumatlarda həqiqətə ən yaxın məlumatlar daxil edilmişdir. Qeyd edək ki,bəzi mehmanxanalar 6 və hətta 7 ulduza iddia edirlər, lakin hələ ki, bu, mehmanxana praktikasına daxil olmamışdır və daha çox marketinq gedişi sayıla bilər.

Beləliklə, gəlin mehmanxanalara verilən ulduzlara görə xidmətlərə nəzər salaq.

Bir ulduz

— minimum xidmətləri olan ultra ekonom-sinfinə aid mehmanxana deməkdir (nömrələrin gündəlik yığışdırılması ora daxil edilmir). Bütün nömrələr eyni tiplidir. Belə mehmanxanalarda yaşayış dəyəri adətən 20-50 manat həddində tərəddüd edir.

İki ulduz

— kiçik büdcəli mehmanxanadır, burada da minimum xidmətlər göstərilir, lakin nömrələr hər gün yığışdırılır. Bir-iki tipli nömrələrdir. Bu kateqoriyadan olan mehmanxanalarda yaşayış dəyəri 25-55 manat həddində tərəddüd edir.

Üç ulduz

— standart xidmət dəsti: nömrələrin hər gün yığışdırılması, hər nömrədə sanitar qovşağı, televizor, mini-bar və ya soyuducu olan orta siniflərə aid mehmanxanadır; onun ərazisində müştərilər üçün camaşırxana, hovuz, trenajyor zalı, biznes-mərkəzi, mehmanxana tərəfindən təqdim edilən nahar yeməyi üçün yer nəzərdə tutula bilər. Bu kateqoriyadan olan mehmanxanada yaşama dəyəri 50-dən 80 manata kimi təşkil edir.

Dörd ulduz

— yuxarıda göstərilən bütün xidmətlər və habelə xüsusi xidmətlər təqdim edilən (məsələn, SPA, massaj, bir neçə barların və restoranların, konfrans-zalların mövcud olması) yüksək sinfə məxsus mehmanxana. Belə mehmanxanalarda qiymətlər adətən orta səviyyədən xeyli yüksək olur. Burada nömrənin dəyəri 80 manatdan 150 manatadək tərəddüd edə bilər.

Beş ulduz

— lüks sinfinə məxsus mehmanxana. Böyük miqyasda əlavə xidmətlərin göstərilməsi ilə fərqlənir. Qonağa onun bütün arzuları nəzərə alınmaqla xüsusi diqqət göstərilir. Belə mehmanxanaların nömrələrində yaşamağın, habelə əlavə xidmətlərin dəyəri kifayət qədər yüksəkdir. Bütün məşhur dünya brend mehmanxanaları və kurort otelləri, bir qayda olaraq, bu kateqoriyaya düşməyə cəhd göstərirlər. Sistemlərin müxtəlif olmasına baxmayaraq, «beşulduzlu otel» deyəndə, həmişə ən yüksək xidmət səviyyəsinə malik mehmanxana nəzərdə tutulur. Lüks sinifli oteldə yaşamağın dəyəri adətən 120 manatdan, nömrənin sinfindən asılı olaraq, orta hesabla 200-400 manata qədər ola bilər.

Qeyd etmək lazımdır ki, bəzən elə hallar olur ki, otellər özləri-özlərinə ulduzlar götürürlər. Buna uymamaq üçün məsləhət görürük ki, oteldə qəbul olunmuş təsnifat standartlarına uyğun gəldiyi barədə rəsmi dövlət sertifikatının olub-olmamasına diqqət yetirəsiniz. Bir qayda olaraq, bunu müəssisənin girişində vurulmuş ulduzların miqdarını və sertifikat verən orqanı – Azərbaycanın Mədəniyyət və Turizm Nazirliyinin rəsmi komissiyasını göstərən lövhə sübut edir.

pahoo.az

Məqalə Göndər