Xəbərlər
28 aprel 2017
2 245
ADU-dan milli dəyərlərimizə daha bir töhfə
Aprelin 28-də Azərbaycan Dillər Universitetində (ADU) milli dəyərlərimizin qorunması təşəbbüsünə müvafiq olaraq "İslam Həmrəyliyi İli” çərçivəsində "Milli adət-ənənələrimizi yaşadaq” adlı növbəti ədəbi-musiqili tədbir və "Azərbaycan inciləri” adlı festival keçirilib. Qeyd edək ki, hər zaman adət-ənənələrimizi yaşadaraq gələcək nəsillərə ötürmək missiyasını layiqincə yerinə yetirən ADU-da artıq ənənə halını alan bu təşəbbüsün başlıca məqsədi universitetdə tələbələrin vətənpərvərlik tərbiyəsinin gücləndirilməsi, onların soy-kökümüz və milli adət-ənənələrimizə bağlılığının daha da möhkəmləndirilməsi, milli irsimizin təbliğ edilməsidir.
ADU-nun rektoru vəzifəsini icra edən professor Əfqan Abdullayev tədbir iştirakçılarının Azərbaycan musiqisinə, muğamına qiymət verən insanlar olduğunu qeyd edib. O bildirib ki, tədbir zamanı hər kəs bir daha Azərbaycan mədəniyyəti və musiqisinin möhtəşəmliyinin şahidi oldu: "Milləti tanıdan bir çox milli komponentlər vardır ki, onlardan biri də musiqidir. Musiqi elə bir elementdir ki, onun tərcüməyə ehtiyacı yoxdur, çünki o, hisslərlə bağlıdır”.
Ə.Abdullayev milli sərvətimiz olan muğamımıza Azərbaycanın Birinci vitse-pezidenti Mehriban xanım Əliyevanın qayğısını ön plana çəkərək bu diqqət sayəsində muğam sənətinin yüksək zirvəyə çatdığını söyləyib. Daha sonra tədbirin məqsədi, mahiyyəti və gənc nəslin milli ruhda tərbiyə olunmasına verdiyi töhfələrdən bəhs edən Ə.Abdullayev belə tədbirlərin mütəmadi formada keçirilməsinin zəruriliyini sözlərinə əlavə edib. O, tədbirin ərsəyə gəlməsində əməyi keçən hər kəsə dərin minnətdarlığını bildirib.
Məlumat üçün bildirək ki, tədbirdə Azərbaycanın müxtəlif bölgələrini əks etdirən stendlər nümayiş etdirilib, insanın daxili aləminə rahatlıq bəxş edən milli musiqimizdən nümunələr səsləndirilib. Tədbir çərçivəsində universitetin foyesində Nəsimi rayonunda yerləşən 35 saylı tam orta məktəbin şagirdlərinin əl işləri də sərgilənib. Tədbir xarici və yerli qonaqlar tərəfindən böyük maraqla qarşılanıb.
Xatırladaq ki, "Milli adət-ənənələrimizi yaşadaq” adlı təşəbbüs çərçivəsində universitetin professor-müəllim heyəti və tələbələri hər ayın bir günü dərsə müxtəlif çalarlı milli geyim və ya onun hər hansı bir elementini əks etdirən tərzdə gəlirlər. Həmin günlə əlaqədar universitetdə ali təhsil müəssisələrinin rektorları, tanınmış KİV, xarici ölkələrin respublikamızdakı səfirlikləri və QHT təmsilçilərinin iştirakı ilə bir neçə ədəbi-musiqili tədbir keçirilib.
Загрузка...
Həmçinin oxuyun:
“Çərşənbələr” adlı tədbir“ keçirilib
ADU-da Novruz bayramı qeyd olunub
Ağstafada Novruz bayramı münasibətilə tədbir keçirilib
ADU-da Frankofoniya Mərkəzi açıldı
ADPU-da “Yurdumuza bahar gəlir” adlı bayram şənliyi keçirilib
ADNSU-da Novruz şənliyi keçirilib
GDU-da “İslam Həmrəyliyi İli” adlı tədbir keçirildi
ADNSU ilə Azərbaycan Milli Konservatoriyası arasında əməkdaşlıq memorandumu imzalandı
ADU tələbələri üçün “Gənc Elçilər” proqramı çərçivəsində təqdimat keçirilib
"Göygöldə alman izləri" adlı maarifləndirici tədbir keçirilib
Lənkəranda “Məktəblilərin radikal dini düşüncələrdən qorunmasında maarifləndirmənin əhəmiyyəti” adlı tədbir keçirilib
Şimali Kiprdə 28 May Respublika Günü qeyd olunub