Fizika və texnologiya fakültəsində yenilik-reytinq balları hesablanır

Azərbaycan Dövlət Pedaqoji Universitetinin (ADPU) Fizika və texnologiya fakültəsində təhsilin keyfiyyətini artırmaq, professor-müəllim heyətinin elmi-pedaqoji səviyyəsini yüksəltmək məqsədilə reytinq ballarının hesablanması mexanizminin tətbiqinə başlanılıb. Artıq 2016-cı il üçün kafedraların və hər bir müəllimin ayrı-ayrılıqda reytinq balları hesablanıb. Fakültənin dekanı, fizika-riyaziyyatr üzrə fəlsəfə doktoru Arzu Daşdəmirovun verdiyi məlumata görə, reytinq sistemi gələcəkdə də tətbiq ediləcək və qazanılmış ballar 2017-ci ilin sonunda fakültənin professor-müəllim heyətinin elmi-pedaqoji fəaliyyətinin nəticəsi kimi fakültə Elmi Şurasında təqdim olunacaq. Qeyd edək ki, yeni mexanizm müəllimlərin elmi-pedaqoji səviyyəsinin real qiymətləndirilməsinə imkan verəcək, onların öz üzərlərində işləyərək bilik və bacarıqlarını təkmilləşdirmələrinə səbəb olacaq.

Hesablama nəticəsində 30 baldan aşağı reytinq balı toplayan müəllimlərin vəzifələrinə uyğun olub-olmaması barədə qərar qəbul ediləcək. Reytinq ballarının hesablanması zamanı müəllimin elmi-pedaqoji fəaliyyətinin bütün istiqamətləri-monoqrafiya, dərslik, proqram, metodiki göstəriş, impakt-faktorlu jurnallarda çap edilmiş məqalə və sair ilə yanaşı, həm də tələbələrin rəyi də nəzərə alınacaqdır. Bu barədə qərar fakültənin Elmi Şurasının geniş tərkibdə keçirilmiş iclasında qəbul edilib.

Arzu Daşdəmirov qeyd edib ki, yeni mexanizm fakültədə şəffaf və obyektiv təhsil mühitinin yaradılmasına, təlim prosesinin düzgün planlaşdırılmasına və son nəticədə müasir əmək bazarının tələblərinə uyğun, rəqabətqabiliyyətli pedaqoji kadrların hazırlanmasına şərait yaradacaq.

aztehsil.com

Məqalə Göndər

Загрузка...

Həmçinin oxuyun:

Fizika və texnologiya fakültəsində pedaqoji təcrübənin başlanmasına həsr edilmiş konfrans keçirilib

Məktəbdə sinif rəhbərlərinin reytinq cədvəlini necə qurmalı ?..

Ali məktəblərin reytinq və kateqoriyasının müəyyənləşdirilməsi məzunların işlə təminatının daha yüksək səviyyəyə çatmasında vacib rol oynayacaq.

Məktəb rəhbərləri ! Sinif rəhbərinin reytinq cədvəlini necə hazırlamalı ?

ADPU-da doktoranturaya və dissertanturaya qəbul imtahanları və müsahibə başa çatıb

ADPU-da tələbələrin qeydiyyatı prosesinin I mərhələsi başa çatıb

ADPU-nun rektoru, professor Cəfər Cəfərov Rektoryanı Şuranın iclasını keçirib

ADPU-nun rektoru, professor Cəfər Cəfərov imtahanların çevik, şəffaf və obyektiv keçirilməsinə ciddi nəzarət edir.

ADPU-nun baza məktəbi yeni tədris ilinə hazırlaşır

UNEC-də differensial əmək haqqı sisteminin nəticələri ictimaiyyətə açıqlanıb

ADPU-da Tələbə Gənclər Təşkilatının İdarə Heyətinin yeni tədris ilinin başlanmasına həsr edilmiş iclası keçirilib

Azərbaycanın 6 universiteti dünyanın ən yaxşı 200 universitet sırasına daxil edilib.