Bəs digər ölkələrdə təhsil ili nə vaxt başlayır?


Daha tez məlumatlanmaq üçün Facebook səhifəmizi bəyən və paylaş
 Bəs digər ölkələrdə təhsil ili nə vaxt başlayır? Son zamanlar sosial şəbəkələrdə orta ümumtəhsi məktəblərində dərs ilinin sentyabr ayının 1-də başlanıb mayın 25-də bitməsi ilə əlaqədar müzakirələr səngimək bilmir.Bir sıra rəsmilər də bu kompaniyaya qoşulublar. Fazil Mustafa bir qədər də irəli gedərək sentyabrın 15-də dərs ilinin başlanmasını absurd qərar hesab edir. Fazil Mustafanı haradasa başa düşmək olar. Ola bilsin ki, "millət vəkili”nin məktəbli uşağı var və istirahətə getməkdən ötrü məcburən iyunun 14-nü gözləmək istəmir. Məni çaş-baş salan müəllimlərimizin mövqeyidir. Talışlarda qəşəng bir misal var.Tərcüməsi təxminən belədir: "Təzə gəlin süd sağmağın təhərini bilməyəndə vedrənin darlığından şikayətlənər”
2004-ci ildən etibarən Azərbaycanda dərs ili sentyabrın 15-dən başlayır, mayın 31-i isə başa çatır.2004-cü ilədək isə ölkədə yeni dərs ili 1 sentyabrda başlayıb, 25 mayda başa çatırdı. Bəs digər ölkələrdə təhsil ili nə vaxt başlayır? 
Yaponiyada təhsil aprelin 1-i başlayıb, mart ayında başa çatır. Təhsil 3 rübdən ibarətdir: Birinci rüb aprel ayının 1-i başlayır, iyul ayında başa çatır. İkinci rüb sentyabr ayından dekabr ayına qədər, üçüncü rüb isə yanvar ayından mart ayına qədər davam edir.
Hindistanda yeni dərs ili iyun ayında başlayır, mart ayında başa çatır. Danimarka və Finlandiyada dərslər daha tez, avqust ayında başlayır, iyun ayında isə başa çatır. Avstraliyada dərslər yanvar ayında başlayır, dekabr ayında başa çatır. Braziliyada isə tədris ili fevral ayının birinci həftəsi başlayır, dekabr ayında başa çatır.Çexiya, Estoniya, Belçika və Slovakiyada yeni dərs ili sentyabrın 1-i başlayır, iyunun 30-u başa çatır.
Pakistanda isə dərs ili avqust ayında başlayıb, may ayında başa çatır. 
Fələstində dərslər sentyabrın 1-i başlayır. 
Səudiyyə Ərəbistanında dərslər orucluq bitdikdən (Ramazan bayramından) sonra başlayır. 
Müəllimlərimiz bir məqamı da nəzərə almalıdırlar ki, keçmiş "böyük qardaş”larımız sentyabrın 1-də dərsə gedirlər.
Türkiyədə isə dərslər 15 sentyabr başlayır. Birinci rüb yanvarın 25-i, ikinci rüb isə iyun ayında bitir. "Problem”in kökü də məhs buradadır…
Cəmaləddin Əlizadə



Aztest.info





Reklam yeri:

loading...

xtehsil